昔日東方政情：青年追求理想 何順文盼政府思考培養
政府好重視青年工作，民政及青年事務局計劃年底推出嘅「青年發展藍圖」，將針對學業、就業、創業同置業4大範疇政策。不過，恒生大學校長何順文就認為時代唔同咗，時下嘅年輕人唔單止關注工作或創業，亦都好講求理想，同埋崇尚社會價值咁話。
住屋就業非問題全部
作為大學校長，何順文接觸好多後生仔，亦相當理解年輕人嘅諗法。佢話隨住社會變遷，依家啲人嘅工作模式其實改變咗，追求嘅嘢都唔同咗，又話時下嘅青年人懷抱理想同社會價值，政府應該要諗吓可以點樣培養，唔好淨係聚焦喺物質層次。佢同意政府喺青年住屋、就業問題上嘅工作相當重要，但係就唔覺得咁樣等於解決到青年問題。
佢認為政府針對青年人嘅生活追求、價值觀同滿足感等，呢幾方面都「諗得唔夠」，佢期望政府可以向呢啲方面思考。佢又話早前出席關於青年藍圖嘅諮詢會，曾向政府反映意見，然而政府是否採納，就要等12月底藍圖出爐先至知喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
