壓路機砸斃好爸遺孤寡

【本報訊】繼尖沙咀工人被鋼筋砸斃後，大埔男工亦遭壓路機壓死！昨午3時許，林村新屋排一個建築機械售賣及租賃場，技工丘如蜜（38歲）將一輛壓路機升高後，進入底部維修期間，冷不防該輛約3噸重壓路機突然砸下，他當場遭壓中，被困動彈不得，工友發現報警。消防接報到現場將壓路機升起，並將丘救出，惟他已無任何知覺，由救護車送往大埔那打素醫院搶救，惜最後不治。警方及勞工處到場調查意外原因。

妻質問「公司無做到安全」

丘如蜜為家庭經濟支柱，妻子則為主婦，夫妻育有一對13歲孖女、一名10歲兒子及一名8歲女兒，一家人同住大埔大元邨。丘學歷不高，讀到中三輟學，因此希望子女們能讀書有成。雖然兒子學業成績優異，但家庭收入不多，平時兒女的補習費負擔已相當大，丘太哭訴「依家老竇過咗身，補習費更加緊迫」，對日後生活大感徬徨。

丘太表示，丈夫從事有維修機器工作10多年，在事發現場全職工作僅一個月，負責維修重型機器。丘的工作拍檔是一名70多歲散工，上周對方請了兩日假，令丘工作量大增，「乜都自己一個人做」，非常辛苦。丘太又批評現場工作環境惡劣，「咁大間公司得一個全職，拍住一個70幾歲嘅人」，誓言要為丈夫討回公道，並質問「咁嘅環境一個人返工，3噸嘢砸落嚟，安全（意識）公司根本無做到！」。工業傷亡權益會指，就同一日發生兩宗工業意外、兩名工人犧牲，該會深感震怒和難過。