政情：青年工作難量化 麥美娟再解畫

節目由觀塘區議會主席柯創盛做主持，麥美娟話希望畀多啲機會年輕人參與社會事務，而除咗一系列數字，佢最想要見到效果，因為青年工作係細水長流，加上青年工作好難量化，而民青局一定要接觸市民，唔可以閉門造車。佢舉例話，局方未來有好多工作，包括進一步擴大「青年委員自薦計劃」，目標喺本屆政府任期內，將參與計劃嘅諮詢委員會數目，由現時60多個增加至不少於180個，發揮作為人才「孵化器」嘅作用，而香港青年節仍在籌備，參與人數同內容都稍後有計劃。

佢又話政府將推出「青年參與倡議計劃」，喺地區成立兩個委員會，包括「青年社區建設委員會」同「地區青年發展及公民教育委員會」，因為年輕人喺參與呢啲委員會嘅工作時，可以了解政府喺進行不同嘅計劃時有好多考慮原因。佢亦坦言處於唔同階段嘅年輕人都有各自嘅要求，所以局方多次走訪不同區域、了解他們嘅真實需求。