政情：林琳譚岳衡獻計吸人才

喺教育方面，林琳話《施政報告》對培養本地人才同吸納境外人才有唔少着墨，但佢強調大專院校嘅課程設計需要有一定嘅前瞻性，以追上產業發展需求，等學生畢業後得以學以致用。佢亦舉例話近年唔少中小學都積極加入STEAM教育，佢認為係一個好起點，建議學界運用資源改善教學硬件設備時，要以未來學生所需要嘅技能為依據，以確保教學資源用得其所。

至於人才方面，譚岳衡就認為要引進外地人才，產業發展同人才匯聚係相輔相成，期望政府未來定期檢視香港人才現狀，因應情況及時調整人才策略。對於今年9月初林琳同其他黨友一齊出訪東盟國家，譚岳衡都大讚呢個安排，話東南亞嘅經濟潛力龐大，而且同香港有緊密嘅經濟文化交流，未來可能深化經濟產業合作互補。