政情：啟豐二號沉沒逾年 海事處打撈日內開展

保釣行動委員會主席陳裕南話海事處已經移走喺沉沒位置嘅其他船隻，佢亦希望攞番部分喺船上嘅紀念品，又話船主羅堪就已破產，因此「啟豐二號」被吊起後將交由政府處理。佢強調雖然保釣船沉沒，但有需要時會集資出海，惟坦言現時喺香港眾籌有困難。

海事處早前話「啟豐二號」舊年7月29日喺筲箕灣避風塘入水沉沒，海事處隨即通知船東。按商船條例規定，船東須負責打撈及移走有關船隻。由於該船嘅船東已被高等法院頒下破產令，海事處正安排相關嘅打撈事宜。而「啟豐二號」船長約33米、重逾142噸，該會於2006年以90萬購入船隻後，每年都會發起前往釣魚島宣示主權，但多次遭到阻攔。