政情：大蛇當頸巾 葛珮帆：動保法例不能等

原來佢哋參加咗個叫「動物全接觸嘉年華」嘅活動，期間EQ就同郭秀雲一齊上台分享立法保護動物嘅經驗。郭秀雲一向就好關心鸚鵡嘅情況，佢話好多人養鸚鵡，但唔知鸚鵡有好多品種係瀕危物種，好多人買咗返屋企之後都唔識養，搞到鸚鵡好易畀人養死。佢又話好多市民喺雀仔街買雀，但係嗰度衞生惡劣，又有老鼠，顧客可能買到有病毒既雀，所以政府應該監管店舖衞生情況。

EQ就話依家保護動物嘅法例都冇包括鸚鵡，建議政府喺嚟緊推出嘅動物相關法例上涵蓋保護更多動物。佢認為市民養動物前諗清楚，因為係一生一世嘅承諾，EQ仲同好多動物好開心咁合照，例如藍色鸚鵡、待領養的龜、好大嘅蛇、蜥蜴等。