政情：遇良師深受惠 黃梓謙做友師回饋

為擺脫跨代貧窮，政府推出「共創明『Teen』」師友計劃，去幫啲劏房戶的初中生。Gary前日喺社交平台貼文話幾年前開始，佢一直支持母校香港大學嘅「師友計劃」，學生有本地，亦有嚟自海外嘅交換生，而佢以前都試過做非華裔中學生導師，而佢因為童年受益於師友計劃，啲老師對佢嘅成長有深刻、正面影響，所以佢亦參加咗呢個計劃。

既然Gary有做導師嘅經驗，而政府前排亦已經幫Gary完成配對，佢尋日就同嗰位嚟自天水圍嘅12歲小朋友及佢媽媽見面，互相了解吓咁，仲約好喺12月一齊參加人生規劃活動。Gary又話自己作為友師，希望可以多啲關心小朋友，為小朋友樹立榜樣，鼓勵佢嘗試走出框框，參與唔同活動擴闊視野，培養正面價值觀，可以實現更多人生目標同夢想。