昔日東方政情：公民黨下月開會 或進入解散程序
民主黨下月3日舉行會員大會，將修改中委人數下限，再選出主席、副主席及中委等新一屆領導層。另一邊廂，公民黨執委會任期即將屆滿，必須喺下月31日前改選，惟最終日子有待敲定。由於黨內暫未有人繼任主席，6個執委職位亦無人願意接手，若短期內無突破性進展，下月會議或直接啟動解散程序。
公民黨主席梁家傑表示，早前向300多名黨友發出「主席家書」，希望收集多啲意見，但最終只收到兩份回覆，而該兩人並非有意擔任主席或執委，只係傾吓公民黨路向，並無突破性進展。
梁又指，公民黨開會日子未定，但應該唔會早過民主黨嘅會員大會，不過必須要喺12月31日前舉行，由於開會需要3個禮拜嘅通知期，故11月內要有最終決定。
而呢段時間，公民黨亦正就執委會改選參考專業意見，即着手準備及研究解散門檻及程序，做好兩手準備，如果呢段時間無突破性進展，下次開會或會直接討論解散程序，而非討論是否解散。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
