政情：治樹欠人手 葉劉誓追究

葉劉日前同兩位議員黨友黎棟國、陳家珮，同政府樹藝主管人員總工會嘅代表進行會面，就政府現時嘅樹木管理工作、相關職系架構檢討及《樹木法》嘅立法可行性進行交流。事後葉劉引述工會代表反映，現時政府內部處理樹木管理工作嘅人手同資源都嚴重不足，以康文署為例，樹木管理工作由其轄下約1,300名康樂事務助理負責，然而該職系嘅工作範圍十分廣泛，既要負責公園及綠化帶嘅樹木管理，更要兼顧公園同游泳池等場地管理。因此，千多人當中只有約100人喺康文署轄下嘅6個地域樹隊負責樹木管理相關工作。

鑑於近期發生多宗樹木倒塌事故，葉劉認為涉及樹木管理嘅議題引起社會各界廣泛討論，話會繼續關注相關議題並於立法會內作適當跟進。