政情：憶蘭桂坊人踩人 葉建源痛失學生

唔少政界人士都喺社交平台提及梨泰院慘劇，葉建源尋日喺社交平台貼文，亦話「梨泰院嘅悲劇令人想起29年前嘅蘭桂坊。那一晚，我失去了一個學生，那麼年輕。這兩晚，韓國應該有許多許多人不能入睡……」。相信好多人都深深體會到逝者家屬同親友嗰種椎心之痛。

慘劇亦再度惹起人流管制嘅關注，有議員話香港喺處理人群方面嘅隱憂，就係主要依賴經驗，但就「較少利用數據和科技」。咁市民又點應對人潮呢？前醫學界議員陳沛然就拋出「自救錦囊」，首先係唔好慌亂，跟住係避免摔倒，其他招數包括雙手握拳架喺胸前、順流而行、側身移動嘗試移離人群；萬一跌倒在地，側身蜷曲雙臂護頭。