昔日東方政情：愛駒跑輸比賽 張宇人有錢落袋
因為中大換新校徽風波，身兼校董嘅飲食界議員張宇人（Tommy）都是非纏身，一時傳出有校董不滿佢同另外兩個校董兼議員中途離席，甚至又爆出喺閉門嘅校董會會議上，佢出言話同某校董「隻揪」，雖則呢啲風風雨雨唔知幾時休，但係Tommy尋日收到份禮物，仲係獎金嚟添呀！旺吓自己先。
讓賽盃頭5名有獎金
尋日跑馬地快活谷有賽事，話說Tommy愛駒「奇妙年華」喺第3場出賽，結果愛駒跑第5。跑第5輸咗喎，仲咁開心？唔好急，聽講喇！事關呢場係「廣東讓賽盃」，馬會規定，頭5名嘅馬匹都有獎金，而Tommy嘅愛駒咁啱就跑第5，當然有獎金分喇！呢場係4班賽事，總獎金就有108萬元，馬主可以分到七成獎金，其餘嗰啲係騎師同練馬師分，跑第5名有3.78萬元，作為馬主嘅Tommy照計應該分到約2.65萬港元獎金。
可能大家對讓賽盃有啲陌生？其實係有段古㗎。可能後生仔唔知邊回事，但相信老一輩嘅都聽過「馬票」。馬會特登喺場刊介紹，話喺1947至1976年間，馬會喺每一個馬季都會發行3至4次「馬票」，其中以「秋季大馬票」最受歡迎。當年嘅「秋季大馬票」，係以廣東讓賽嘅競逐作為開獎辦法，賽果即為決定馬票中彩與否嘅準則，而呢個賽事後來改名叫「廣東讓賽盃」，喺1953年10月10日舉行首次賽事，之後就每年都會舉行嘞！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
