政情：解散互委會用意見箱 居民不滿溝通變單向

監察公共屋邨福利規劃聯盟喺今年7月至10月，進行咗「屋邨諮詢架構及互委會會址用途問卷調查」，以問卷的形式訪問咗821名來自約27個唔同屋邨嘅受訪者。

除得出上述結果外，又發現有57.5%嘅受訪者主要向保安表達意見，但當中有55.3%認為向保安反映意見無效。另外，調查結果又發現83.2%受訪者希望互委會房間可「給予區內團體租用作福利或其他用途」，該組織建議房署應保留互委會房間予居民使用作福利或其他用途。

該組織認為調查反映咗居民普遍認為「單向」、「書面」表達意見嘅形式成效較低，話應提供有效同容易接觸嘅雙向溝通平台，例如召開屋邨居民諮詢會、定期約見居民代表同房署開會等，以維持原有嘅溝通水平，亦應針對性地加強採用居民認為最有效嘅方法來回應其需求。