政情：同行三分親 雙陳開孖頭議辦

議員陳沛良喺社交平台話，日前同陳健波邀請部分保險業界喺議辦開會，討論有關的士保險營運問題，同業界交流意見。不過，辦事處唔單止可以處理業界問題，亦可以處理相關市民投訴嘅。陳健波就話事實上都接到唔少市民投訴，亦有同事幫手處理。

另外，當日有保險業代表認為應從規管的士司機駕駛行為習慣入手，鼓勵司機小心駕駛，提高自身質素；亦有代表認為應從的士車輛入手，包括利用科技加裝防護裝置及超速警報，或逐步淘汰老化車輛。