要聞港聞

政情:新冠疫苗流感針 梁君彥一齊打

梁君彥(中)打針嘅時候,林健鋒(右)貪玩舉起道具喺佢頭頂上拮多一「針」。(黃偉邦攝) 梁君彥(中)打針嘅時候,林健鋒(右)貪玩舉起道具喺佢頭頂上拮多一「針」。(黃偉邦攝)
梁君彥(中)打針嘅時候,林健鋒(右)貪玩舉起道具喺佢頭頂上拮多一「針」。(黃偉邦攝)
新冠肺炎疫情暫時受控,但入秋後天氣漸涼,流感又來勢洶洶。尋日立法會就有50多名議員接種新冠疫苗同季節性流感疫苗,主席梁君彥話香港即將進入流感季節,然而新冠肺炎病毒威脅未除,為咗避免新冠肺炎疫情同流感一齊夾擊,希望市民齊打針,而佢就兩針都打晒,究竟有咩感覺呢?
貪玩林健鋒幫梁拮多「針」
今次議員打針前先影大合照,但社交距離已冇咁在意,成班人企埋一齊影,不過整個合照加埋開場白只係幾分鐘就完結。梁君彥率先打針,亦呼籲市民踴躍接種,以免香港嘅醫療系統不勝負荷。梁捲起衫袖之後,打完左臂打右臂,似乎針拮到肉都唔知痛,而議員林健鋒就好貪玩,舉起道具針喺梁嘅頭頂作狀拮多「針」。議員陳曼琪打針之前先用右手做出扮打針嘅手勢,睇落真係童心未泯。另外,唔少議員都有出席,包括黃國、張宇人等,打針過程都好順利。
雖然話打針好小事,但有人打吓氣都未必係壞事,其中公務員事務局局長楊何蓓茵都有到場,指好多議員「兩針齊發」,為市民做咗好好嘅示範,相信對未打針嘅市民會增添唔少信心。至於醫務衞生局局長盧寵茂就多次舉起一個打針嘅道具牌,作勢幫議員打針,睇嚟鼓勵人打針真係佢強項。
陳曼琪(右二)作勢打針。陳曼琪(右二)作勢打針。
陳曼琪(右二)作勢打針。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500