政情：免針紙角色 江玉歡：無謂再提

江玉歡尋日接受電台節目訪問時，被問及喺事件中嘅角色，佢話件事已經過去，多提都冇用，又話打從前朝政府，都寫過好多信畀政府反映市民意見，而唔係喺社交平台貼文係咁鬧政府，喺批評政府對免針紙嘅做法之前一個禮拜，佢係不停咁提醒，亦有去信政府，最重要係市民覺得有冤無路訴，佢係幫市民反映，自問已盡咗做議員嘅責任。

對於疫苗通行證再延長半年，佢話收到好多家長投訴，話子女參加唔到課外活動，再延長就對佢哋影響更大，呼籲政府要平衡做法，同埋聽取市民意見。佢又質疑依家仲有邊啲國家會用疫苗通行證，又有邊啲國家嘅疫苗通行證會用咁長時間，希望政府多向市民解釋。