政情：局長生涯剛完 聶德權重返政圈

香港新方向尋日舉行3周年茶話會，會上宣布聶德權、前運輸及房屋局局長張炳良、規劃署前署長凌家勤等出任榮譽顧問，為該組織未來發展提供意見，但聶德權因事未能出席。而張炳良、麥齊光同凌嘉勤即場分享唔同領域，包括城市規劃、交通、住屋同人口等睇法。

現場有金幣投放遊戲供與會者參與，假設喺有限嘅資源下，就10個社會範疇選出自己最注重嘅議題，結果青年議題最受關注，其次係居住同醫療。議員葉劉淑儀話呢個遊戲好有意義，因資源珍貴，點樣分配係好重要。佢話青年想要乜嘢資源，值得好好反思。就青年比居住更受關注，張欣宇話有啲意外，認為青年工作唔再係單方面向青年傳遞訊息，而係去聆聽青年嘅聲音。