政情：邵家輝補任帳委會主席

會議上，內會主席表示接獲有意加入委員會嘅議員名單，由於人數同懸空嘅議席數目一樣，所以宣布議員黃俊碩、邵家輝、簡慧敏、龍漢標加入帳委會，同埋議員陳恒鑌加入議規會。另外，內會主席引述立法會主席梁君彥反映，上次立法會會議有人唔記得將電話校做靜音，提醒議員切勿影響會議進行，並盡量將電話同收音咪保持距離，避免干擾。

立法會財務委員會方面，則只有一項議程，主席陳振英將其付諸表決後順利通過，將堅尼地城加惠民道以及前摩星嶺平房區，同埋元朗近丹桂村公營房屋發展嘅工地平整及基礎設施工程提升為甲級，涉款約37.154億港元。