政情：林健鋒賀71歲生辰 寄語笑看風雲

蛋糕生日牌上寫住「笑看鋒雲」四個字，Jeffrey指，經歷呢幾年，大家都好辛苦，香港風雲變色，嚟到依家可以話係定咗落嚟，撥開雲霧見青天，有新曙光喺前面，一片光明、藍天白雲。Jeffrey希望大家唔好再因為過去發生嘅事情垂頭喪氣，大家攜手合作，同心協力推動、改善自己嘅生活環境，照顧家人及朋友，經濟環境及生活質素都可以一路上升。

Jeffrey又相信香港前景係好嘅，大家笑看風雲，笑看過去發生嘅事情，亦笑看未來將會發生嘅事情，要堅信香港充滿希望，祝福大家都身體健康、生活愉快咁話。佢仲提到，自己近期變得健康，食少咗澱粉質，仲常打高爾夫球，瘦咗足足20磅咁多添。