昔日東方政情：應得獎者要求 葉劉揮毫怕獻醜
寫賀年揮春之外，議員平時有幾多機會寫毛筆字呢？身兼行政會議召集人嘅議員葉劉淑儀，日前為一個書法界聯展暨書法比賽擔任主禮嘉賓，期間遇上得獎學生向佢索取簽名。身為公眾人物，應承市民「畫隻龜」本屬舉手之勞，然而對方竟要求用毛筆簽名，咁就令佢有啲猶豫啦！
出任書法展主禮嘉賓
話說喺頒獎結束後，葉劉同在場嘉賓及市民合照。殊不知有幾位得獎同學們向佢提出「挑戰」，要求佢即席揮毫，喺其獎狀背後用毛筆簽名。
葉劉話有人問攞簽名本應該覺得高興，但要寫毛筆字就感到尷尬，畢竟寫毛筆字難度甚高，然而喺同學們嘅盛情難卻下亦只好硬起頭皮提筆獻醜。佢坦言自己嘅書法水平遠遠不及一眾得獎者，還望佢哋唔好介意。
其實今次書法活動令葉劉留意到一個現象，就係見到好多同學參加書法比賽，但得獎者則似乎以女同學佔絕大多數，男生可以話絕無僅有。佢不禁萌生懸念，莫非女生嘅書法表現比較優秀？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
