政情：4提名填補4空缺 帳委會人手獲解決

由於4名選委會界別議員早前轉跑道，加入熱廚房，辭去立法會議員職務，連帶立法會政府帳目委員會同議事規則委員會出現空缺；再加上另有議員辭職，令帳委會成為重災區。尋日下晝5點提名截止，剛好有4位議員補上，當中包括地產建造界議員經民聯龍漢標同批發及零售界嘅邵家輝。至於議規會則只收到一個有效提名，就係陳恒鑌，佢係接替前黨友，做咗律政司副司長嘅張國鈞。