昔日東方政情：抽中提議案 林順潮譚岳衡脫黑
今屆立法會多咗唔少新面孔，好多議會新丁都爭住提交議員議案，希望喺大會上討論自己嘅關注議題，但礙於每次大會只可以討論兩個議員議案，僧多粥少，唔少人都願望落空。但係最近有兩位議員就迎嚟「零的突破」，講緊嘅係邊個呢？
分別申請過5及4次
之唔係選委會界別嘅議員林順潮同譚岳衡囉！根據立法會嘅文件，下個月2號大會嘅議員議案申請已有結果，就係抽中佢哋嘞。其實林順潮之前就已經申請過5次，而譚岳衡就申請過4次，今次終於擺脫「黑仔王」呢個名，唔知佢哋嚟緊想講咩呢？原來佢哋分別係想講「推動生物醫藥科技發展」，同埋「加快香港綠色轉型發展」，到時就聽吓佢哋有咩高見啦！
佢哋兩個抽中之後，依家就淨番議員梁子穎同埋陸瀚民兩個「黑仔王」，佢哋分別抽咗5次同4次。真係唔知幸運之神幾時先會「眷顧」佢哋喇？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
