昔日東方政情：突停花朵介紹 林超英被誤當中招
天文台前台長林超英係環保人士、鍾意自然環境就不嬲都為人熟知㗎啦，佢嘅Facebook（Fb）個人帳號基本上日日都會同大家分享唔同嘅花朵，佢就叫呢個分享做「一日一花」，但係上個禮拜五夜晚11點幾嘅時候，佢就無喇喇話「一日一花休息一天」喎，咁啱近排確診新冠的人數回升，有網友就留言：「中咗。」
隔咗日始更新 自稱太攰
林超英當日話休息一天嘅時候，旋即有唔少網友留言。有人話「無問題，每日辛苦你了」，仲有人自己作咗首詩話「勞心勞力勞累，超愛超人超英」，可見有人都好期待佢嘅「一日一花」，當有網友喺貼文出咗唔夠一個鐘就留言話「中咗」，仲加咗個嘆氣嘅表情，但林超英就冇即時解畫喎。
直到上個禮拜六夜晚8點幾時，佢就喺Fb溫馨提示話「重複提醒所有人，濕地周邊買樓風險極大，更不要說濕地之內，小心積蓄或投資化為烏有。」到9點半就更新咗「一日一花」，去到就快10點嘅時候，佢先喺原本嘅貼文留言講話：「感謝大家關心，沒有病倒，只是太累，恢復中。」真係擔心死一班等佢回覆嘅人啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
