昔日東方政情：黃丹晴再確診隔離 深感防疫離地
自實施「0+3」入境檢疫安排後，掀起港人「報復式」出門旅遊嘅現象，屯門區議會副主席黃丹晴早前亦都外遊探親，殊不知回港後再次確診。雖然要隔離7日，但閉關期間亦令佢感到外國人一旦入境香港先至中招，係非常掃興兼麻煩，認為若不撤銷無謂嘅措施，即使入境檢疫「0+0」同送埋機票，都唔使旨意有海外遊客嚟香港。
快測無染疫 做核酸中招
黃丹晴喺社交平台貼文，指自己踏上歸途做快測結果係無染疫，然而入境香港做核酸就話中招。佢話被困7日確係慘情，不過身為香港人，至少有病假拎，若果外國人就弊嘞，莫非7日都困喺酒店房間體驗香港美食咩？既然係咁，不如返自己國家Staycation（宅度假）好過啦，何必要畀錢嚟香港隔離呢？咁就難怪佢返抵香港，喺冷冷清清嘅機場拎寄艙行李可以咁快手啦。
不過，佢相信遲下個機場應該會多番啲人，事關去日本旅行嘅港人會陸續返嚟。至於再次染疫嘅身體狀況，黃丹晴話大家毋須同佢講保重身體，因為完全冇病徵。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
