昔日東方職場健康：更新版化學品應用程式涵蓋更廣
阿安︰「阿全，點解咁苦惱咁嘅樣？」
阿全︰「安哥！我喺度忙緊更新貨倉裏面危險品包裝上嘅標籤呀。」
阿安︰「你用職安局嘅『化學品安全資料庫』App（應用程式）幫手啦！個App具備3大功能，包括危險品相關資料、化學品安全標籤同職業衞生標準。因應政府對危險品安全嘅新規管喺2022年3月31日正式生效，個App作出咗相關更新喇！」
阿全︰「咁個App更新咗咩啊？」
阿安︰「除咗危險品標籤改變外，受規管危險品嘅數量亦增加咗唔少，同時危險品豁免量、包裝類別亦更新咗。仲有部分危險品嘅歸類與原有嘅唔同咗呀。我拎手機Load個App畀你望吓啦！」
阿全︰「係喎！仲可以用『聯合國編號』去搜尋想搵嘅危險品。好方便喎！」
阿安︰「點止啊！你仲可以透過個App嘅分享功能，將危險品嘅相關資料以電郵或手機通訊軟件分享畀其他人，好嘢就梗係要『開心share』啦。」
阿全︰「好呀！用手機上去Android（https://bit.ly/3Oc7rRJ）或者iOS平台（https://apple.co/3HFKmnN）就可以下載到『化學品安全資料庫』App，等我分享埋條Link畀行家同朋友先！」
下月舉辦網上研討會
阿安︰「係喎! 職安局屬下化學品安全及健康諮詢委員會會喺2022年11月21日下午3至5點舉辦一個講『安全運送和儲存化學品及安全處理化學品的洩漏』嘅網上研討會，可以一齊參加呀！」
阿全︰「個化學品安全網上研討會會講咩㗎？」
阿安︰「到時有勞工處代表分享個案及簡介安全要點、消防處代表講解運送同儲存危險品安全事項、專上院校安全諮詢小組代表講解系統化管理運送和儲存化學品，職安局顧問仲會簡介呢個更新版嘅『化學品安全資料庫』應用程式添！」
阿全︰「好呀，一齊網上報名啦！（https://bit.ly/3EyMa2B） 」
職業安全健康局
www.oshc.org.hk
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
