政情：訪漁農拍片推廣 郭玲麗盼青年入行

郭玲麗指活動行程包括參觀海下灣海洋生物中心、乘坐玻璃船觀賞珊瑚，並遠觀漁民捕魚過程。此外，佢哋到訪珍珠養殖魚排，由漁民講解珍珠養殖有關知識、介紹捕魚工具及示範開採珍珠。郭玲麗強調漁農界對本港貢獻良多，惠及廣大市民，對本港嘅食物供應尤為重要。

之不過，郭玲麗咁落力究竟想帶出咩訊息呢？佢就話希望日後能夠撮合更多不同界別製作宣傳短片，透過新媒體推廣各業界，讓大眾加深認識，繼而吸引年輕人入行。佢亦都建議政府提供適切嘅財政及資源支援，協助學校發展特色課程，以培養相關行業人才。