政情：江玉歡口講小風波 堅持議辦拆夥

江玉歡尋日接受電台訪問時，指事件屬小風波，但強調兩人合作開設嘅北角辦事處會分開，仲指自己經過呢個「誤會」，會經一事長一智，強調同邊個合作都唔緊要，最重要係幫到市民，形容自己完全無壓力，佢仲話「只不過有啲人覺得我唔可以講，冇辦法。愛國先要做建設性嘅批評，咁呢個社會先會進步，係咪？」

據了解，兩人喺模範邨嘅「孖頭」地區辦事處係由江玉歡抽中，理論上吳秋北要遷出，而本報記者日前到訪，發現兩人相關宣傳品仲未拎走，包括提供證件相服務等，亦仍放有印有兩人頭像嘅直幡。