政情：工商委會副主席補選 譚岳衡十足勝算

譚岳衡屬於G19成員，而佢嘅提名人係建制派「班長」廖長江、同埋金融服務界議員李惟宏，佢哋都係G19成員，即係G19一條龍式包辦。

點解要搵人補位呢？個副主席位本來係紡織及製衣界議員陳祖恒坐嘅，由於佢早前被委任為生產力促進局主席，喺工作重新分配下，就辭咗呢個職務。話時話，由於新一屆立法會喺協調各事務委員會正副主席人選，都係由舊人做主席，而副主席就可以由議會新丁出任。