政情：知名度不如人 林偉江選情不穩

林偉江喺議員黃國等人陪同下遞交報名表。林話已經參與工會工作約20年，對職業司機嘅待遇感受尤深，覺得佢哋冇辦法分享社會經濟成果。如果有幸當選，希望推動最低工資一年一檢、改善職業安全條例。佢話勝算唔係十拿九穩，一來自己知名度唔高，二來都唔少新工會成立，對選情都有一定影響。

講到人力資源政策，佢話堅決反對擴大輸入外勞，強調政府要先完善本地工友嘅權益；要求政府帶頭取消外判，完善最低工資嘅機制，以保障基層勞工咁話喇。