政情：陸瀚民忙公務 比賽跑步變卻步

話說Benson尋日喺社交網站分享，話最近因為公務繁忙無練習，仲將訓練時間愈調愈少，所以佢喺比賽前一度有掙扎，究竟應唔應該繼續參賽。不過，鍾意跑步嘅佢最後都係如常參加比賽。佢昨日就參加咗喺大美督舉行嘅15公里純男子賽事，雖然以「志在完成」作為目標，沿途都有管控放慢步速，但佢都消耗咗唔少體力，要飲番4支能量飲品同大約3L水，結果以個人時間4小時24分11秒完成。

近日中小型體育賽事開始陸續復辦，Benson就話希望香港可以逐步邁向復常，並重新成為國際盛事之都。