政情：開執委會傾前途 公民黨未知下一步

梁家傑表示，執委會上佢哋再一次跟進集思會上談及嘅議題，並作出總結。當時確實有部分黨友對解散感到可惜，希望可以搵到繼續行落去嘅方法。不過梁認為，公民黨要行落去，必須搵到「可做之事」，即喺今日嘅政治環境下可以做啲咩；以及是否有人願意擔任執委。若非如此，公民黨要繼續行落去嘅機會好微，強調問題並非基於情感，而係現實。

至於幾時會再開會商議公民黨存續嘅議題？梁就話，暫時仍然要再醞釀一下，讓未表達意見嘅黨友發表吓意見，故未知下次嘅會期。談到梁嘅主席任期即將屆滿，有無黨友希望佢繼續連任時，梁就指早前已表明自己唔會連任主席。但若果黨需要佢繼續做的話，自己又考唔考慮？梁就無正面回應，指主要視乎黨內諗唔諗到有咩事可以做，其他就再諗。