政情：任教大榮譽教授 張建宗分享熱廚房

咁對現屆政府嘅防疫政策有乜睇法？佢話自己已離開咗政府，作為一名市民，覺得香港已經封閉得太耐啦，唔可以長久咁落去㗎，即使專家喺抗疫上持唔同意見，都冇問題，事關最主要係政策向前走，逐步推行，行穩致遠。佢認為依家嘅方向係正確，最重要嘅係唔好畀疫情反彈，盡早與內地同海外接軌，佢又形容疫苗係最後一道防線，呼籲市民要提高警覺，盡快接種疫苗，先能夠同海內外通關。

話時話，仲記得張建宗曾經自嘲係工作狂，話「有得打呔（返工）就興奮」，可以想像一個極少放假嘅佢，舊年6月底離開「熱廚房」5個幾月後，就喺香港大學擔任嘉賓講者同講課，而喺舊年年底就出任港大社會科學學院客席教授。