政情：龍漢標入黨 經民聯收復失地

其實龍漢標過往時常與經民聯一齊合作，不過一直都無明確表明加入該黨，外界都關注龍漢標究竟會幾時埋位呢？直至尋日，經民聯主席、工程界議員盧偉國就宣布，龍漢標唔再係經民聯友好身份，將會成為經民聯成員，仲話同佢理念接近，睇法一致咁話。而新成員龍漢標都表示好開心可以加入經民聯，希望未來與一班前輩共同為香港努力。

經民聯喺今屆立法會本身有7個議席，今年7月，紡織及製衣界議員陳祖恒加盟之後，議席增加至8席，成為立法會第二大政黨。如今龍漢標再加入，該黨增至9議席。