昔日東方政情：張宇人轟有人扮代表 黃家和笑住話唔回應
立法會飲食界議員張宇人日前不點名批評有人「扮業界代表」，埋怨入境檢疫「0+3」會影響飲食業生意，惹起大家紛紛猜測誰是「中槍」人士，其中又以香港餐飲聯業協會會長黃家和嘅呼聲最高。黃尋日出席一個活動時，就笑住話唔會回應張宇人嘅言論，但堅持「0+3」措施對部分餐飲業生意確有影響。又嚟，唔知張宇人會唔會繼續發炮呢？
「0+3」削弱飲食業 張指毫無根據
黃家和指政府進一步放寬入境檢疫措施，唔少市民已計劃外遊，特別係聖誕同新年嘅日子，航空公司亦部署大量增加航班，有機會削弱市民留港消費嘅意欲；另一方面，海外人士入境香港後，頭3日因持黃碼不能進入食肆用膳，措施係會不利部分行業嘅生意，而5個飲食業商會經已聯署去信行政長官同醫務衞生局局長盧寵茂表達憂慮。
所以佢期望政府檢討目前針對飲食業嘅限制，包括放寬酒樓及婚宴嘅每枱人數上限，甚至提議不如大膽啲，不應再對人數設限。睇嚟今次嘅隔空回應恐怕仲有後續，即使當時張宇人曾直斥「該位業界代表」嘅放負言論毫無科學根據，又聲稱飲食業界代表「只此一個」就係佢本人！之不過人家都係業界人士、具有發言權，睇嚟事件隨時掀起另一場戰火喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
