政情：警察 護士 少到暈 葉劉：政府對南丫島不聞不問

到訪南丫島，葉劉由索罟灣嘅模達灣碼頭登陸一刻，就聽聞碼頭長度不足以讓渡輪停泊，而必須進行改善工程嘅訴求。喺島上漫步嘅葉劉發現唔少街燈已嚴重老化甚至損壞，而部分街燈亦被大樹遮蓋，有島上嘅鄉事委員曾向政府申請於索罟灣加設12支街燈，但至今仍未全數獲批。

另一方面，前南丫石礦場發展計劃「爛尾」，島上居民亦甚有意見。話說該計劃涉及50公頃土地，多年前由政府交予私人發展，但後來私人發展商嫌回報低並將計劃擱置。居民代表指南丫石礦場係珍貴平地應多加利用，應歸還政府另作發展用途。葉劉就承諾，定會深入了解該發展計劃為何擱置以及跟進索罟灣相關民生問題，冀島上居民有一個更宜居社區。