政情：再孖女律師開議辦 鄧家彪唔怕老婆剷

鄧家彪致詞時話，有人問佢係咪對女律師情有獨鍾，佢直接承認，不過話係自己成日做嘢一味衝，宜應剛柔並濟，即係需要律師等人才多多提點。事實上，佢早前就同另一位女律師、議員江玉歡合作，喺翠屏邨開地辦喇。

被問及點睇地區行政改革，鄧同陳都話需要同政府一齊做好服務，問題在於地區人士冇辦法協調政府資源，第5波疫情期間已經證明過去方式難以運作，所以贊成要改善。至於陳曼琪對於去殖民化嘅議題都有其見解，話好多市民未能理解《香港回歸條例》，有礙維護憲法權威，政府應盡快落實去殖民化，先可以更有利推動國民身份認同。