昔日東方政情：政黨外訪唱好香港 薛浩然：唔通關有乜用
為挽回日漸褪色嘅國際形象，有政黨響應港府「說好香港故事」嘅主張，早前組團外訪東盟諸國，宣傳香港嘅獨特優勢。前鄉議局研究中心主任薛浩然，就對於呢種「民間外交」不以為然，指議員外訪即使講到天花龍鳳，然而通關無期，人哋又點樣嚟香港呢？佢又認為香港當務之急，係盡快走出疫情困境，恢復對外開放，否則乜嘢都唔使講！
斥有議員自我膨脹
喺一段網絡影片中，薛浩然指有政黨議員自我膨脹，組團去東南亞說好香港故事。但佢質疑出去講故事嘅人並非政策制訂者，香港嘅司級官員亦無隨團出訪，憑幾個政黨嘅人出去講，可以講到啲乜嘢呢？實情係依家香港好多生意都嗌救命，外面嘅資金唔再嚟投資，而係走晒去新加坡，咁仲有咩香港故事好講呀？薛浩然指全世界都話開放，反而香港就自己封自己，一味喺度抱團取暖，結果生意冇得做，經濟萎縮，敢問港府嘅施政報告仲有乜嘢鴻圖偉略可言？
薛浩然又話，若果港府已經同內地傾好咗，能夠運錢運糧畀香港，咁咪繼續閉關囉！之但係有無咁嘅可能呢？佢話香港唔向國際交往的話、莫非倒流返大灣區咩？只會攬炒咋！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
