政情：初送囝囝返學 顏汶羽發文講寄望

Frankie提到，自己喺8月31日完成學業，而囝囝就由9月1日接力投入學習嘅生活。但嗰段時間碰巧外訪印尼，無辦法陪佢返學。Frankie聽太太講，囝囝第一日返學，有一半時間都係喊豬喎！當輪到爸爸同佢踏入校園，或者係開始適應咗，少咗喊嘅時間咁話。

雖然囝囝仲未識叫「爸爸」，Frankie話佢已經置身於英語同普通話語境嘅學習環境，而且好乖，好多嘢都跟住老師指示做。又提到喺疫下成長，出街嘅時間大減，接觸陌生人嘅機會亦好少，希望囝囝可以透過玩樂式學習，學懂與他人相處，接觸得更多。又讚囝囝好勇敢，希望未來能勇於接受新事物，敢於挑戰。