政情：斷食3日 黃均瑜另類養生

答案出乎意料，黃均瑜精神奕奕，感覺良好，仲打算搵機會連續5日斷食添。佢話24小時內禁食16個鐘嘅168斷食法，時下相當流行，只要再進一步就可以斷食一整日；其實過咗24小時之後，飢餓感覺並唔強烈，所以佢上次斷食，輕輕鬆鬆咁就48個鐘。黃均瑜又提到斷食期間須補充水分，亦可飲用熱量輕微嘅飲品；雖說斷食期間不宜劇烈體力消耗，但唔代表陷入靜止狀態，路程約兩小時嘅短途行山，絕對冇問題。但為咗穩陣起見，都要帶些少食物傍身。

至於斷食嘅習慣，黃均瑜係由去年年尾開始，但礙於社交應酬，至今斷食咗4次。而每一次都令佢感到腸胃得到休息，整個人都輕鬆咗、精神咗。不過能否進行斷食則因人而異，事關停止進食一段時間，係有機會血糖過低。