政情：移居台灣冇嘢撈 陳淑莊學整餅

貼文提到，以往喺灣仔星街住咗11年嘅Tanya每天奔忙工作，無暇下廚，頂多喺廚房白灼過一次西洋菜，根本不識煮食，然而Tanya去年夏天抵達台灣頓變無業遊民，且舉目無親，可謂百般落寞，於是佢從零起步，透過網絡視頻動手做菜，跟住又去菜市場物色食材，從而認識台灣嘅雞魚蔬菜。而香港嘅廚藝高手亦經常寄食譜畀佢，並隔空指點。結果Tanya自學一年，由開頭嘅雞手鴨腳，到依家請客擺一枱餸菜都無問題喎。至於佢自製嘅冰皮月餅同彩虹酥，都係佢去北投市場買綠豆仁、紫薯、芋頭，自己蒸煮翻炒，造成芋泥和綠豆沙，揉餅皮，扣模、烘烤和裝盒，一手包辦咁話。

雖然Tanya嘅廚藝令人讚賞不已，話佢開鋪頭都夠班。但又提到佢過去喺香港嘅「往績」，指佢同戴耀廷、陳健民、朱耀明等9人，因2014年嘅「佔中」事件，被控「煽惑他人作出公眾妨擾」等罪，Tanya雖然罪成，但入獄前夕竟突然檢查出有腦膜瘤，需動手術及電療，而獲判緩刑兩年。不過，Tanya若果唔去台灣，依家可能喺赤柱監獄「吃牢飯」，佢昔日嘅黨友如楊岳橋、譚文豪同郭家麒，都被還押於監獄度中秋，等待裁決。