政情：黃元山染疫居家隔離 陳健波打4針亦中招

陳健波前日（16日）進行核酸檢測結果呈初步確診，並已通報衞生署及按政府指引居家隔離。至於黃元山則係快速檢測結果呈確診，佢自上周一（12日）開始，因家人確診而需要居家隔離，而最近喺本月9日在立法會大樓短暫逗留，並已接種3劑疫苗，病徵同樣輕微。陳、黃兩人嘅辦事處職員嘅快速檢測結果都係冇確診。

另方面，沙田區議會主席麥潤培早前確診，經過10日居家隔離，終康復「出關」，仲落街買消夜，期間做埋直播向街坊報平安，指自己係經常出街嘅人，連日來足不出戶感到非常辛苦，加上民政署提供嘅糧食物資又難以下嚥，但幸好得到助理嘅接濟。不過體重就喺10日隔離期間飆升10磅！當佢提到同樣染疫嘅幾位區議員同事，就指鄭仲恒居然無事，強調佢都應該要確診咁話！