政情：立會擴建 11樹迫遷 梁君彥不捨說再見

因應議席由70人增加到90人，立法會最近展開擴建工程。梁君彥話，由於11棵細葉欖仁樹所在嘅添美道路段已經被劃為工地，需預留足夠空間予重型車輛出入，以進行吊運組裝合成組件工程，以致11棵細葉欖仁樹無可避免要讓路，令佢不捨。而喺前晚，移離其中7棵樹木，餘下4棵就喺尋晚搬走。

梁君彥話，由於樹木遷移後需時復原，因此按政府嘅建議，擴建工程完成之後，受影響嘅樹木唔會再移回添美道，而係畀佢哋喺添馬公園側邊嘅海濱地帶落地生根，開枝散葉。

但為免立法會附近欠缺綠化植物，梁君彥指秘書處往後會同政府作出跟進，喺擴建工程完成後，喺添美道種植具觀賞價值嘅樹木同花卉，以增添綠化新亮點。