政情：夫妻之道 柯創盛每晚海濱散步

柯仔喺社交網站上載佢同太太嘅相片，話儘管「酷熱天氣警告」持續生效，疫情依然嚴峻，需要支援嘅市民眾多，但只要做好區議會及社區工作之後，仍約定屋企嘅CEO、即係佢太太一齊外出做運動。無論夏天、冬天、晴天、陰天，早歸、夜歸也好，每晚都堅持圍繞屋苑附近嘅海濱走廊，快步行走約一小時。每次行完，出一身汗，夫妻兩人相視一笑，身心頓感舒暢。

談及步行運動，柯仔指不但有利健康，更可放下一天沉重嘅包袱，靜靜地與家人或伴侶聊聊天、談談心，互相分享生活嘅點點滴滴。佢又感激有CEO呢位好太太，體諒自己工作上嘅忙碌、照顧生活細節之外，更一直係自己嘅心靈伴侶，況且度過好多困難，能拖手走到今日，倍覺珍惜細水長流嘅夫妻關係。