昔日東方政情：黃定光白髮銀鬚 線上會議搶晒Fo
疫情之下人人都戴口罩，想一睹廬山真面目都唔係咁容易。前議員黃定光（象哥）尋日出席一個線上記者會，因毋須戴口罩嘅關係，恍如聖誕老人嘅白髮銀鬚盡顯，同往日擔任代議士嘅形象比較，可謂大異其趣！
退下火線都聲如洪鐘
象哥尋日同接佢棒嘅議員黃英豪開線上記者會，兩人大談點樣幫中小企發展。象哥即使已退下火線，但仍不失舊日議政嘅風采，提出多項建議，同記者嘅對答不但毫無生疏，且聲如洪鐘，精神飽滿，完全無打瞌睡！
之不過，佢留鬚嘅新形象就更加惹人注目。雖然象哥以前都係有白髮，但今次留埋白鬍鬚，成個感覺都煥然一新，只要換一件紅袍同戴頂紅帽，扮聖誕老人真係唔使化妝啊！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
