政情：公私營醫院問題多 議員促做好協作

Eunice話有幼童因新冠肺炎而出現氣喘、嘶哮症，本身到公立醫院求助，但醫院未能提供呼吸機，父母見小朋友辛苦，於是就即刻轉去私院。點知住5日就要成40幾萬元，佢話當年自己分娩住幾日私院，都只係差唔多13萬元咋。

Judy亦分享個人經歷，話小朋友曾發燒、抽筋，即刻飛車去私家醫院後，發現並無提供24小時觀察服務，到最後都係要去番公立醫院。兩位議員就話公私營醫院需要有平衡、做好協調，舉例話疫情期間公立醫院都嗌晒救命，但其實私家醫院仲有空間提供協助，以達到更好嘅協同效應。