政情：環境局局長謝展寰列密切接觸者

而謝展寰有定期進行新冠病毒快速抗原測試，尋日亦曾進行快測，結果顯示為陰性。

翻查紀錄，謝展寰近期都去過一啲地方了解民情，上周五就同該局嘅副局長黃淑嫻去咗4個垃圾收集站，了解工友嘅工作情況同食環署為員工提供嘅設備，以及署方改善垃圾站臭味問題嘅計劃。

行政機關唔少官員曾中招，立法機關嘅疫情情況都唔可以忽略。立法會秘書處尋日接獲多4宗同立法會有關嘅確診個案。包括議員劉業強辦事處一名職員嘅快速檢測結果證實確診，至於秘書處保安組兩名職員同公共申訴辦事處一名職員亦都染疫。自今年1月第5波疫情至今，與立法會有關嘅感染個案共391宗。