政情：鄭泳舜做「三項鐵人」學生哥

其實Vincent係修讀香港教育大學嘅運動健康與體育學系碩士課程，不過都係意料之內，因為Vincent熱愛體育，早前佢仲完成由香港三項鐵人總會舉辦嘅水陸兩項鐵人賽，佢都幾滿意個成績添！而今次進修，佢就形容想利用所學所長，更好地服務市民，同時透過推動體育發展，凝聚社區、激發青年潛能，令基層學生有更多出路。

之不過，一日得24小時，要點樣平衡工作學業呢？Vincent就話會發揮三項鐵人嘅精神，兼顧學業、議會同地區工作，佢仲指同學們都年輕力壯，有無限青春燃燒喎。