昔日東方單親母喪子哭斷腸 促查明真相還公道
【本報訊】秀茂坪安達臣道房協地盤塌天秤釀3死6傷，3個大好家庭被一支天秤砸碎，昨晨3名死者親屬到沙田富山殮房認屍。其中任職工程師助理，來自單親家庭的男死者潘浩鈺（22歲），其母認屍後情緒激動，聲淚俱下稱：「我個仔死得好慘，先得22歲，有大好前途，仲喺度進修，我希望社會各界可以查明真相，還我哋一個公道！呢個係人為疏忽，呢個係謀殺，唔係普通工業意外，無大風大雨，個天秤底部成個翹起咗，我個仔好乖好聽話，我個仔連安葬費都冇！」
潘母續稱，她在劏房住了11年，捱大兒子，剛上樓三數年，「我含辛茹苦，我個仔好乖，好聽話。香港人、香港政府，你哋幫吓我，我乜嘢都唔識，我要同我個仔攞番個公道，我要攞番我應得嘅賠償，你叫我以後嘅生活點樣過呀」。最後她又指：「我食唔安、瞓唔着，你叫我點捱，你哋畀番個仔我！我得一個仔，我冇咗生存落去嘅希望同精神支柱，我得一個仔呀！」
重案組勞處拍照調查
任職電工的男死者許文明（41歲）的家屬，認屍後黯然離去。據悉，許為家庭經濟支柱，家人頓失依靠，頓感前路茫茫，工業傷亡權益會將統籌籌款事宜，協助家屬渡過難關。
另外，警方東九龍總區重案組、政府化驗所與勞工處人員，在昨日上午10時許返回事發地盤繼續調查。其中勞工處人員在天秤底拍攝，而探員則拍攝被壓毀貨櫃的損毀情況。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
