政情：大澳300年棚屋 葉劉力爭保育

葉劉話根據大澳鄉事委員會委員提供嘅資料，現時大澳棚屋共有六百多間，具200至300年歷史嘅棚屋亦為數不少。而支撐棚屋嘅木樁，多年來已深深插入屋下淤泥，即使經歷過百年嘅風吹雨打，至今依舊屹立不倒，足見非常穩固。但係防火問題係保育棚屋嘅第一關，因為居民擔心一旦失火，會「火燒連環船」，後果不堪設想，況且過往亦發生過嚴重火災，損毀慘重；另一方面，棚屋欠缺排污設施，多年來只靠潮汐漲退沖走污物，屋下淤泥骯髒程度可想而知。

當地居民都希望政府幫忙跟進同改善防火措施同埋排污情況。葉劉話一定會要求政府相關部門認真研究，如何將大澳棚屋好好保育之餘，並發展為獨特嘅旅遊事業，繼而申請成為世界聯合國世界物質文化遺產。