昔日東方政情：簡慧敏吳秋北孖頭議辦開張
又有議員孖頭開議辦喇！選委界議員簡慧敏，以及港島東地區直選議員吳秋北，佢哋喺北角渣華道開咗個議辦，尋日低調開張。睇番資料，喺銀行任職嘅簡慧敏可以話屬於半個商界，同身兼工會代表嘅吳秋北，兩人嘅立場利益大相逕庭，莫非今次係商界同勞工界嚟個大和解，還是帶住矛盾聯合開議辦呢？
吳否認今次係商勞合作
吳秋北否認今次係商界同勞工界攜手，強調自己嘅工會背景難免會有所避忌，未必輕易同商界合作。佢解釋話同銀行法律顧問簡慧敏聯合開議辦，只係視對方嘅法律專業，而唔係商界喎。至於係邊個主動提出孖住開議辦？吳秋北就唔願意透露喇，淨係話大家都係有心服務市民，尤其係民生、法律事務、婦女同青年工作都有共同關注嘅範疇。
但原來，簡、吳聯合開議辦本應該係上個月成事，然而簡慧敏唔好彩喺8月中染疫，吳秋北為咗等埋「另一半」於是延遲至尋日開張。唔知佢哋嚟緊會合作成點？會唔會擦出啲咩火花呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
