政情：林建岳參與同鄉活動 介紹潮州新貌

今次活動係繼2017年之後，相隔5年再度籌辦嘅文化盛事，不過地點就由中環遮打花園移師至會展，並以「品味•潮汕」雲旅遊為主題，配合創新科技，通過線上直播、短片等方式介紹潮汕風光，又以別開生面嘅方式展示潮汕地區嘅獨特風土人情。林建岳指文化係一個國家、一個民族嘅靈魂；過去兩屆活動皆向全港市民展示潮汕人文化藝術、風土人情與美食，以及潮汕人在港生活同經商嘅奮鬥歲月，活動廣受好評，深得各界友好同市民嘅支持。

林建岳又話，今次活動將設逾百個展銷攤位，重點推廣潮汕人品牌產業，既有特色美食，亦有各種精緻工藝品。林話潮汕人同潮商不忘初心，保持「家己人」一貫嘅團結拚搏精神，為共建和諧香港而努力，期望今次活動能創造就業、提振經濟同凝聚民心。